ന്യൂഡല്ഹി: മുസ്ലിം സമുദായങ്ങള്ക്കിടയില് പ്രഭാഷണം നടത്താന് എന്ഐഎ അനുവദിക്കുന്നില്ലെന്ന് ഇസ്ലാമിക മതപ്രഭാഷകന് സാക്കിര് നായിക്. കഴിഞ്ഞ 25 വര്ഷമായി പല രാജ്യങ്ങളിലും താന് മതപ്രഭാഷണങ്ങള് നടത്തുന്നുണ്ട്. എന്നാല്, ഇന്ത്യന് അന്വേഷണ ഏജന്സികള് തന്റെ അഭിപ്രായ സ്വാതന്ത്ര്യങ്ങള് വിലക്കുകയാണെന്നും അദ്ദേഹം ഇന്റര്പോളിനു നല്കിയ പരാതിയില് പറയുന്നു. ഇസ്ലാമിക് റിസര്ച്ച് ഫൗണ്ടേഷന് എന്ഐഎ നിരോധനമേര്പ്പെടുത്തുകയും മതപ്രഭാഷണങ്ങളില് നിന്നു വിലക്കുകയും ചെയ്ത സാഹചര്യത്തിലാണ് സാക്കിര് നായിക് പരാതി നല്കിയത്.നേരത്തെ, സാക്കിര് നായികിന്റെ പാസ്പോര്ട്ട് റദ്ദാക്കുകയും ഇന്റര്പോളിനോട് റെഡ്കോര്ണര് നോട്ടീസ് പുറപ്പെടുവിക്കാന് ആവശ്യപ്പെടുകയും ചെയ്തിരുന്നു.
