പാരിസ്: ബാഴ്‌സലോണയിലുണ്ടായ സായുധാക്രമണവുമായി ബന്ധപ്പെട്ട് ഇസ്‌ലാം വിരുദ്ധ കാര്‍ട്ടൂണുമായി ഫ്രഞ്ച് വാരിക ഷാര്‍ലി ഹെബ്ദോ. വാനിടിച്ച് രണ്ടുപേരെ കൊലപ്പെടുത്തുന്ന വീഡിയോയാണ് ഷാര്‍ലി ഹെബ്ദോ പുറത്തുവിട്ടിരിക്കുന്നത്. ഇസ്‌ലാം സമാധാനത്തിന്റെ പ്രതീകമാണെന്നും മുകളില്‍ ചിത്രീകരിച്ചിട്ടുണ്ട്. കാര്‍ട്ടൂണ്‍ ഇസ്‌ലാം മതത്തെ അപമാനിക്കുന്നതാണെന്നാണ് വിമര്‍ശകര്‍ ആരോപിക്കുന്നത്. ആക്രമണത്തില്‍ 14 പേര്‍ മരിക്കുകയും നൂറോളം പേര്‍ക്ക് പരിക്കേല്‍ക്കുകയും ചെയ്തിരുന്നു. കാര്‍ട്ടൂണിനെതിരേ ഫ്രഞ്ച് മുന്‍ മന്ത്രി സ്റ്റീഫന്‍ ലി ഫോള്‍ രംഗത്തുവന്നിട്ടുണ്ട്. നേരത്തേയും വിവാദ കാര്‍ട്ടൂണുകളുടെ പേരില്‍ ഷാര്‍ലി ഹെബ്ദോ ആരോപണം നേരിട്ടിട്ടുണ്ട്.
