അജ്മാന്‍: തീപിടിച്ച കെട്ടിടത്തില്‍ ഉറങ്ങുകയായിരുന്ന നൂറോളം പേരെ സ്വദേശി യുവാവ് രക്ഷപ്പെടുത്തി. ഇബ്രാഹിം അലി എന്ന 18കാരനാണ് വിദേശ തൊഴിലാളികളെ മരണമുഖത്തുനിന്നും രക്ഷപ്പെടുത്തിയത്്. അജ്മാനിലെ ശെയ്ഖ് അമ്മാര്‍ റോഡിലൂടെ രാത്രിയില്‍ വാഹനം ഓടിച്ചുപോവുമ്പോള്‍ അല്‍റൗദ പ്രദേശത്ത് എത്തിയപ്പോഴാണ് ഒരു കെട്ടിടത്തില്‍നിന്നു തീപടരുന്നത് ഇദ്ദേഹത്തിന്റെ ശ്രദ്ധയില്‍പെട്ടത്്. ഉടനെതന്നെ കെട്ടിടത്തില്‍ കയറിയ ഈ 18കാരന്‍ ഇതൊന്നും അറിയാതെ കിടന്നുറങ്ങുകയായിരുന്ന മുഴുവന്‍ താമസക്കാരെയും വിളിച്ചുണര്‍ത്തി പുറത്തേക്കു കൊണ്ടുവരുകയായിരുന്നുവെന്ന് അജ്മാന്‍ സിവില്‍ ഡിഫന്‍സ് മേധാവി അബ്ദുല്‍അസീസ് അല്‍ ഷംസി വ്യക്തമാക്കി
