ന്യൂഡല്ഹി: ബിസിസിഐ ഒരു പുരുഷ മേധാവിത്വ സംഘടനയാണെന്നും വനിതാ ക്രിക്കറ്റ് പിന്നോക്കം പോവാന് കാരണമിതാണെന്നും മുന് വനിതാ ടീം ക്യാപ്റ്റന് ഡയാന എഡുല്ജി. സുപ്രിംകോടതി നിയമിച്ച ഇടക്കാല സമിതി അംഗം കൂടിയായ ഡയാന എഡുല്ജി ഒരു സ്വകാര്യ ചടങ്ങിലാണ് ബിസിസിഐക്കെതിരേ ആഞ്ഞടിച്ചത്. ഇംഗ്ലണ്ടില് സമാപിച്ച വനിതാ ലോകകപ്പിലെ ഇന്ത്യയുടെ പ്രകടനത്തില് ബിസിസിഐ അംഗങ്ങളില് പലരും തൃപ്തരല്ല. കരിയറിന്റെ തുടക്കം മുതലേ താന് ബിസിസിഐയുടെ എതിര്വശത്താണെന്നും എഡുല്ജി പറഞ്ഞു.
