ന്യൂഡല്‍ഹി: 200 രൂപാ നോട്ട് പുറത്തിറക്കുന്ന നടപടിയുമായി മുന്നോട്ടുപോവാന്‍ റിസര്‍വ് ബാങ്കിന് (ആര്‍ബിഐ) കേന്ദ്രസര്‍ക്കാര്‍ അനുമതി നല്‍കി. ആര്‍ബിഐയുടെ ശുപാര്‍ശ അംഗീകരിച്ചുവെന്നും 200 രൂപാ നോട്ടുകള്‍ ഉടന്‍ പുറത്തിറങ്ങുമെന്നും ധനമന്ത്രാലയം അറിയിച്ചു. 200 രൂപയുടെ നോട്ടിറങ്ങുന്നതോടെ 2000 രൂപ നോട്ട്മൂലം ഉണ്ടാവുന്ന ബുദ്ധിമുട്ടുകള്‍ കുറയുമെന്ന് അധികൃതര്‍ പറഞ്ഞു. അതേസമയം, 2000 രൂപാ നോട്ടുകള്‍ പിന്‍വലിക്കാന്‍ സര്‍ക്കാര്‍ ആലോചിക്കുന്നില്ലെന്ന് ധനമന്ത്രി അരുണ്‍ ജെയ്റ്റ്‌ലി പറഞ്ഞു.
