തിരുവനന്തപുരം: സംസ്ഥാനത്തെ 33 സ്പെഷ്യല് സ്കൂളുകള്ക്ക് എയിഡഡ് പദവി നല്കാനുള്ള നടപടികള് നടന്നുവരുകയാണെന്ന് മന്ത്രി സി രവീന്ദ്രനാഥ് അറിയിച്ചു. കഴിഞ്ഞ യുഡിഎഫിന്റെ അവസാനകാലത്ത് സ്പെഷ്യല് സ്കൂളുകള്ക്ക്് എയിഡഡ് പദവി നല്കി ഉത്തരവിട്ടിരുന്നു. തുടര്ന്നു വന്ന ഇടതുസര്ക്കാര് ഈ ഉത്തരവുകള് റദ്ദാക്കുകയും അന്വേഷണത്തിന് മന്ത്രിസഭാ ഉപസമിതിക്കു വിടുകയുമായിരുന്നു. തീരുമാനം പരിശോധിച്ച മന്ത്രി എ കെ ബാലന് അധ്യക്ഷനായ ഉപസമിതി അനുകൂലമായ തീരുമാനമാണ് എടുത്തിട്ടുള്ളത്. ഈ സ്കൂളുകള് എയിഡഡാക്കുന്നതിന് ആവശ്യമെങ്കില് പ്രത്യേക ചട്ടം കൊണ്ടുവരുമെന്നും മന്ത്രി പറഞ്ഞു.
