കാലഫോര്ണിയ: അമേരിക്കയില് നടക്കുന്ന ലോക പോലീസ് ഗെയിംസ് ബോക്സിങ്ങില് തിരുവനന്തപുരം സായ് സെന്റര് ഓഫ് എക്സലന്സ് ട്രെയ്നി മീനാകുമാരി ദേവി സ്വര്ണം നേടി. 54 കിലോ വിഭാഗത്തിലാണ് മീനയുടെ സ്വര്ണം. ഡല്ഹി പോലീസിലെ കവിത നിര്മ്മലയും സ്വര്ണം നേടിയിട്ടുണ്ട്. ഡെറാഡൂണ് സിഐഎസ്എഫിലെ ഹെഡ് കോണ്സ്റ്റബിളായ മീന കുമാരി ദ്രോണാചാര്യ അവാര്ഡ് ജേതാവ് ഡി ചന്ദ്രലാലിന്റെ കീഴിലാണ് പരിശീലനം നടത്തുന്നത്. 26 വയസുകാരിയായ മീന മണിപ്പൂര് സ്വദേശിയാണ്. ഇവര്ക്ക് പുറമെ അരുണാ മിശ്ര, കവിതാ ചഹാല്, ശോഭാ ചാനു തുടങ്ങിയ അഞ്ചു പേരാണ് ഇന്ത്യക്ക് വേണ്ടി ഇടിക്കൂട്ടില് മത്സരിക്കുന്നത്. ഗെയിംസ് നാളെ സമാപിക്കും.
