ദമസ്കസ്: സിറിയന് ഫലസ്തീനി വെബ് ഡെവലപ്പറും സാമൂഹിക പ്രവര്ത്തകനുമായ ബാസില് ഖര്തബില് വധിക്കപ്പെട്ടതായി ഭാര്യ നൗറ ഘാസി സഫാദി. 2015ല് സിറയന് സര്ക്കാര് ഖര്തബിലിനെ വധശിക്ഷയ്ക്കു വിധേയനാക്കുകയായിരുന്നെന്നും ഘാസി ഫേസ്ബുക്ക് പോസ്റ്റില് അറിയിച്ചു. 2015 ഒക്ടോബറില് ആദ്ര ജയിലിലേക്കു മാറ്റിയതിനു തൊട്ടുപിറകെയായിരുന്നു വധശിക്ഷയെന്നും ഫേസ്ബുക്ക് പോസ്റ്റില് പറയുന്നു. 2015ഓടെ ഖര്തബിലിനെ കാണാതായെന്നാണ് സിറിയന് സര്ക്കാരിന്റെ ഔദ്യോഗിക വിശദീകരണം. വധശിക്ഷ സംബന്ധിച്ച വെളിപ്പെടുത്തലില് സിറിയന് സര്ക്കാര് ഇതുവരെ പ്രതികരിച്ചിട്ടില്ല. ഇന്റര്നെറ്റ് രംഗത്തെ സ്വാതന്ത്ര്യത്തിനായുള്ള പ്രവര്ത്തനങ്ങളുടെ പേരിലാണ് ഖര്തബില് പ്രശസ്തനായത്.
