കൊച്ചി: മഞ്ചു വാര്യരെ വിവാഹം ചെയ്യുന്നതിന് മുമ്പ് ദിലീപ് മറ്റൊരു യുവതിയെ വിവാഹം ചെയ്തിരുന്നതായി പോലീസ്. അകന്ന ബന്ധുവായ യുവതിയെയാണ് ദിലീപ് ആദ്യം വിവാഹം ചെയ്തത്. ആലുവ ദേശം റജിസ്ട്രാര്‍ ഓഫിസിലാണ് ദിലീപിന്റെ ആദ്യ വിവാഹം രജിസ്റ്റര്‍ ചെയ്തത്. അതേസമയം, ദിലീപിന്റെ ആദ്യഭാര്യയെന്നു കരുതുന്ന സ്ത്രീ ഇപ്പോള്‍ ഗള്‍ഫിലാണുള്ളതെന്നാണ് ലഭിക്കുന്ന വിവരം. ഇവരില്‍ നിന്ന് പോലീസ് മൊഴിയെടുക്കാന്‍ ശ്രമം നടത്തുന്നുണ്ട്. ദിലീപിന്റെ അടുത്ത സുഹൃത്തുക്കല്‍ക്കൊക്കെ ഈ വിവരങ്ങളെല്ലാം അറിയാമെന്നും ചിലരില്‍ നിന്നും വിവരങ്ങള്‍ ശേഖരിച്ചതായും പോലീസ് പറയുന്നു. ദിലീപ് സിനിമയില്‍ എത്തി മഞ്ജുവുമായി പ്രണയത്തിലായപ്പോള്‍ ബന്ധുക്കളും സുഹൃത്തുക്കളും മധ്യസ്ഥ ചര്‍ച്ചകള്‍ നടത്തി ആദ്യഭാര്യയെ ഒഴിവാക്കുകയായിരുന്നു. പെണ്‍കുട്ടിയെ കാര്യങ്ങള്‍ പറഞ്ഞു മനസിലാക്കി രജിസ്റ്റര്‍ ചെയ്ത വിവാഹരേഖ റദ്ദു ചെയ്തു എന്നാണ് വിവരം.
