ന്യൂയോര്‍ക്ക്: പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ ഇന്ത്യന്‍ വംശജനായ കായികതാരം കുറ്റക്കാരനെന്ന് യുഎസ് കോടതി. കശ്മീരില്‍ നിന്നുള്ള തന്‍വീര്‍ ഹുസയ്ന്‍ പാര്‍റയാണ് (25) 12 വയസ്സുകാരിയെ പീഡിപ്പിച്ച കേസില്‍ അറസ്റ്റിലായത്. പീഡനം, കുട്ടികള്‍ക്കെതിരായ അതിക്രമങ്ങള്‍ എന്നീ കുറ്റങ്ങള്‍ ഇയാള്‍ക്കെതിരേ നിലനില്‍ക്കുന്നതായി ന്യൂയോര്‍ക്കിലെ എസെക്‌സ് കോടതിയുടെ ഉത്തരവില്‍ പറയുന്നു. പെണ്‍കുട്ടിയുടെ മാതാപിതാക്കളുടെ പരാതിയില്‍ ഈ വര്‍ഷം മാര്‍ച്ചിലാണ് ഇയാളെ സരാനാക് പോലിസ് അറസ്റ്റ് ചെയ്തത്. ഐസ് സ്‌കേറ്റിങ് മല്‍സരത്തില്‍ പങ്കെടുക്കുന്നതിനായാണ് ഇയാള്‍ സരാനാകിലെത്തിയതെന്ന് പോലിസ് അറിയിച്ചു.
