ബ്രിട്ടനില്‍ നിന്ന് ഐഎസ് സഹായം ലഭ്യമാക്കുന്നതായി റിപോര്‍ട്ട്

ലണ്ടന്‍: ബ്രിട്ടന്റെ ഭാഗമായ വെയ്ല്‍സ് ആസ്ഥാനമായ സ്ഥാപനങ്ങള്‍ വഴി ഐഎസ് ധനസമാഹരണം നടത്തുന്നതായി റിപോര്‍ട്ട്. കഴിഞ്ഞവാരം സ്‌പെയിനിലെ ബാഴ്‌സലോണയിലും കാംബ്രില്‍സിലുമുണ്ടായ ആക്രമണങ്ങള്‍ക്കടക്കം ഇത്തരത്തില്‍ ശേഖരിച്ച പണം ഐഎസ് ഉപയോഗപ്പെടുത്തിയതായും യുഎസ് അന്വേഷണ ഏജന്‍സി എഫ്ബിഐ രേഖകളെ അടിസ്ഥാനമാക്കി ദ സണ്‍ഡേ ടൈംസ് പ്രസിദ്ധീകരിച്ച റിപോര്‍ട്ടില്‍ പറയുന്നു. സ്‌പെയിനില്‍ നിരീക്ഷണങ്ങള്‍ക്കായി ഐഎസ് ആയുധവാഹകശേഷിയുള്ള ഡ്രോണുകള്‍ വികസിപ്പിച്ചതായും അതിനായി ബ്രിട്ടനില്‍നിന്നു സാമ്പത്തിക -സാങ്കേതികസഹായം ലഭിച്ചതായും സണ്‍ഡേ ടൈംസ് റിപോര്‍ട്ട് ചെയ്തു.