മാഡ്രിഡ്: മാഡ്രിഡില് നടന്ന വാഹനാക്രമണത്തിന്റെ ഉത്തരവാദിത്തം ഐഎസ് ഏറ്റെടുത്തു. ഇന്നലത്തെ വാഹനാക്രമണത്തില് 13 പേര് മരണപ്പെടുകയും 100ലധികം പേര്ക്ക് പരിക്കേല്ക്കുകയും ചെയ്തിരുന്നു. മാഡ്രിഡിലെ തിരക്കേറിയ ലാസ് റബ്ലാസ് പ്രദേശത്തേക്ക് അക്രമി വെള്ള വാന് ഓടിച്ചുകയറ്റുകയായിരുന്നു. വിനോദസഞ്ചാരകേന്ദ്രം കൂടിയായ ഇവിടെ 1.2 കിലോമീറ്റര് ചുറ്റളവില് നിരവധി കടകളും റസ്റ്റോറന്റുകളും പ്രവര്ത്തിക്കുന്നുണ്ട്.അക്രമിക്കായുള്ള തിരച്ചില് സ്പാനിഷ് പോലിസ് ഊര്ജിതമാക്കിയിരിക്കുകയാണ്. ഇതിനിടെയാണ് ഐഎസ് ആക്രമണത്തിന്റെ ഉത്തരവാദിത്തം ഏറ്റെടുത്തത്. ഇതുമായി ബന്ധപ്പെട്ട് രണ്ടു പേരെ പോലിസ് അറസ്റ്റ് ചെയ്തതായാണ് വിവരം. അക്രമിക്കായുള്ള തിരച്ചിലിനിടെ ദുരൂഹസാഹചര്യത്തില് ബെല്റ്റ് ബോംബുമായി കണ്ടെത്തിയ അഞ്ചുപേര് പോലിസുമായുള്ള ഏറ്റുമുട്ടലില് സൗത്ത് ബാഴ്സലോണയിലെ കാംബ്രില്സില് കൊല്ലപ്പെട്ടു.
