ലണ്ടന്‍: ഇംഗ്ലീഷ് പ്രീമിയര്‍ ലീഗ് ഫുട്‌ബോള്‍ ടൂര്‍ണമെന്റ് ആഗസ്ത് 12ന് ആരംഭിക്കാനിരിക്കെ മാഞ്ചസ്റ്റര്‍ യുനൈറ്റഡ് താരം വായ്പാടിസ്ഥാനത്തില്‍ ക്രിസ്റ്റല്‍ പാലസിലേക്ക്. യുവതാരം ഫോസു മെന്‍സയെയാണ് യുനൈറ്റഡ്് ക്രിസ്റ്റല്‍ പാലസിന് കൈമാറിയത്. 19കാരനായ താരത്തിന്റെ ട്രാന്‍സ്ഫര്‍ വിവരം ജോസ് മൊറീഞ്ഞോയാണ് വ്യക്തമാക്കിയത്. റൈറ്റ് ബാക്കായും ഡിഫന്‍സീവ് മിഡ്ഫീല്‍ഡറായും കളിക്കുന്ന ഫോസു, കഴിഞ്ഞ സീസണില്‍ 11 മല്‍സരങ്ങളില്‍ യുനൈറ്റഡിന്റെ ജേഴ്‌സി അണിഞ്ഞിട്ടുണ്ട്. ഡച്ചുകാരനായ മെന്‍സ അയാക്‌സ് അക്കാദമിയിലൂടെ വളര്‍ന്നു വന്ന താരമാണ്. 2014ലാണ് മാഞ്ചസ്റ്ററില്‍ എത്തിയത്.
