ബംഗളൂരു: സംസ്ഥാനത്തെ ക്രമസമാധാനം തകര്‍ന്നെന്നും കേന്ദ്ര സര്‍ക്കാര്‍ ഭരണം വന്‍പരാജയമാണെന്നും ബിജെപി സംസ്ഥാന അധ്യക്ഷന്‍ ബിഎസ് യെദ്യൂരപ്പ. അമിത് ഷായുടെ സന്ദര്‍ശനത്തോടനുബന്ധിച്ച് വിളിച്ചു ചേര്‍ത്ത വാര്‍ത്താസമ്മേളനത്തിലാണ് യെദ്യൂരപ്പയ്ക്ക നാക്കു പിഴച്ചത്. നേതാക്കള്‍ ഇക്കാര്യം ശ്രദ്ധയില്‍പെടുത്തിയപ്പോള്‍ ആ രോപണം സിദ്ധരാമയ്യ സര്‍ക്കാരിലേക്കു മാറ്റി. ബിജെപി ദേശീയ അധ്യക്ഷന്‍ അമിത് ഷായ്ക്കും ഇതേ അബദ്ധം സംഭവിച്ചു. കേന്ദ്രം ഫണ്ടനുവദിച്ചിട്ടും യെദ്യൂരപ്പ അതെല്ലാം പാഴാ ക്കുകയാണെന്നും സംസ്ഥാനത്തെ യെദ്യൂരപ്പ ഭരണം മോശമാണെന്നുമായിരുന്നു അമിത് ഷാ പറഞ്ഞത്. ഏറെ നേരം യെദ്യൂരപ്പയോടൊപ്പമുണ്ടായതിനാലാണ് തനിക്ക് ഇത്തരത്തില്‍ അ ബദ്ധം സംഭവിച്ചതെന്ന് അമിത് ഷാ പറഞ്ഞു.
