കാരക്കാസ്: ആഭ്യന്തരകലഹം തുടരുന്ന വെനിേസ്വലയില്‍ വേണ്ടിവന്നാല്‍ സൈനികമായി ഇടപെടുമെന്ന യുഎസ് പ്രസിഡന്റ് ട്രംപിന്റെ ഭീഷണി തള്ളുന്നതായി വെനിസ്വേല. യുഎസിന്റെ ഭീഷണിയെ ലാറ്റിനമേരിക്കന്‍ രാജ്യങ്ങള്‍ ഒന്നിച്ച് പ്രതിരോധിക്കുമെന്ന് വെനിസ്വേല വിദേശകാര്യ മന്ത്രി ജോര്‍ജ് അറീസാ പറഞ്ഞു. ലാറ്റിനമേരിക്കന്‍ മേഖലയിലടക്കം ലോകത്തെവിടെയുമുള്ള യുഎസിന്റെ കടന്നുകയറ്റം തടയുന്നതിനുള്ള എല്ലാ നീക്കങ്ങള്‍ക്കും ഐക്യദാര്‍ഢ്യം പ്രഖ്യാപിക്കുന്നുവെന്നും അറീസാ പറഞ്ഞു. ട്രംപിന്റെ പ്രസ്താവനക്കെതിരേ വെനിേസ്വല പ്രതിരോധ മന്ത്രി വഌദിമിര്‍ പഡ്രിസനോ കഴിഞ്ഞ ദിവസം രംഗത്തെത്തിയിരുന്നു. ഒരുതരം ഉന്‍മാദാവസ്ഥയുടെ ഭാഗമായാണ് ട്രംപ് ഇത്തരം പ്രസ്താവനകള്‍ നടത്തുന്നതെന്ന് പഡ്രിസനോ പറഞ്ഞിരുന്നു.
