റെയ്‌സണ്‍: കൈക്കൂലിക്കേസില്‍ ഗ്രാമീണ ബാങ്ക് ഉദ്യോഗസ്ഥനെ പ്രത്യേക കോടതി നാലുവര്‍ഷത്തെ കഠിന തടവിനു ശിക്ഷിച്ചു. 2011ല്‍ ഒരു കര്‍ഷകനില്‍ നിന്നു 5000 രൂപ കോഴ വാങ്ങിയെന്നാണു കേസ്. സത്പുത നര്‍മദ പ്രാദേശിക ഗ്രാമീണ ബാങ്ക് മാനേജര്‍ ഫുല്‍ചന്ദ് കോസ്തയെയാണ് ശിക്ഷിച്ചത്. ഇദ്ദേഹം 5000 രൂപ പിഴയുമൊടുക്കണം. കിസാന്‍ ക്രഡിറ്റ് കാര്‍ഡ് പുതുക്കുന്നതിന് കര്‍ഷകനില്‍ നിന്നു 10,000 രൂപയായിരുന്നു മാനേജര്‍ കോഴ ചോദിച്ചിരുന്നത്. പരാതിയെത്തുടര്‍ന്ന് ലോകായുക്ത പോലിസ് ഒരുക്കിയ കെണിയില്‍ ബാങ്ക് മാനേജര്‍ വീഴുകയായിരുന്നു. അഴിമതി തടയല്‍ നിയമത്തിലെ വിവിധ വകുപ്പുകളനുസരിച്ചാണ് കേസെടുത്തത്.
