വാഷിങ്ടണ്‍: യമനില്‍ രണ്ടു വര്‍ഷത്തോളമായി തുടരുന്ന സൈനിക ഇടപെടല്‍ അവസാനിപ്പിക്കാന്‍ സൗദി കിരീടാവകാശി മുഹമ്മദ് ബിന്‍ സല്‍മാന്‍ താല്‍പ്പര്യം പ്രകടിപ്പിച്ചതായി യുഎസ് ഉന്നത ഇദ്യോഗസ്ഥര്‍ വെളിപ്പെടുത്തിയതായി മിഡില്‍ ഈസ്റ്റ് ഐ റിപോര്‍ട്ട് ചെയ്തു. യുഎസിന്റെ ഇറാനെതിരായ നീക്കത്തില്‍ സഹകരിക്കാന്‍ രാജകുമാരന്‍ സന്നദ്ധത അറിച്ചതായും തങ്ങള്‍ക്ക് ചോര്‍ന്നുകിട്ടിയ ഇ മെയില്‍ സന്ദേശത്തില്‍ വ്യക്തമായതായി റിപോര്‍ട്ടില്‍ പറയുന്നു. യുഎസിന്റെ മുന്‍ ഇസ്രായേല്‍ അംബാസഡര്‍ മാര്‍ട്ടിന്‍ ഇന്‍ഡിക്, മുന്‍ യുഎസ് സുരക്ഷാ ഉപദേഷ്ടാവ് സ്റ്റീഫന്‍ ഹാര്‍ഡ്‌ലി എന്നിവര്‍ക്കാണ് രാജകുമാരന്‍ കഴിഞ്ഞമാസം തന്റെ ആഗ്രഹം അറിയിച്ച് ഇ മെയില്‍ അയച്ചിരിക്കുന്നത്.
