അരൂര് പാലത്തില്നിന്ന് കാര് കായലിലേക്ക് മറിഞ്ഞു. കാറില് ഒമ്പത് പേര് ഉണ്ടായിരുന്നതായാണ് സംശയം. ഇതില് നാലു പേര് നീന്തി കയറിയിയിട്ടുണ്ട്. ഇവരെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്
കൊച്ചി: അരൂര് പാലത്തില്നിന്ന് കാര് കായലിലേക്ക് മറിഞ്ഞു. കാറില് ഒമ്പത് പേര് ഉണ്ടായിരുന്നതായാണ് സംശയം. ഇതില് നാലു പേരെ മല്സ്യത്തൊഴിലാളികള് രക്ഷപ്പെടുത്തി. ഇവരെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്. കാണാതായ അഞ്ചുപേര്ക്കായി തെരച്ചില് തുടരുകയാണ്. ഇവര് അന്യസംസ്ഥാനക്കാരാണെന്നാണ് വിവരം. ലോറിയുടെ പിന്നിലിടിച്ച സ്കോര്പ്പിയോ കാര് നിയന്ത്രണം വിട്ട് പാലത്തിന്റെ കൈവരി തകര്ത്താണ് കായലിലേക്ക് മറിഞ്ഞത്. അമിത വേഗത്തിലായിരുന്നു കാര് എന്ന് ദൃസാക്ഷികള് പറയുന്നു. രക്ഷാപ്രവര്ത്തനം ആരംഭിച്ചിട്ടുണ്ട്. രക്ഷാപ്രവര്ത്തനത്തിനായി നേവിയുടെ സഹായം തേടിയിട്ടുണ്ട്. അതേസമയം ഇരുട്ടായതിനാല് രക്ഷാപ്രവര്ത്തനം കാര്യക്ഷമമല്ല. പൊലീസും ഫയര്ഫോഴ്സും രക്ഷാപ്രവര്ത്തനത്തിനായി രംഗത്തുണ്ട്.
