മുംബൈ: ഐ.എസ്.എല്ലിൽ മുംബൈ സിറ്റി എ.ഫ്സിയുടെ തേരോട്ടം തുടരുന്നു. ഇന്നു നടന്ന മൽസരത്തിൽ ചെന്നൈയിൻ എഫ്സിയെ ഏകപക്ഷീയമായ രണ്ടു ഗോളുകൾക്ക് മുംബൈ തോൽപിച്ചു. അർജന്റീനൻ സ്വദേശി ഡെഫെഡറിക്കോ (32), ഹംഗറിയിൽനിന്നുള്ള ക്രിസ്റ്റ്യൻ വാഡോക്സ് (60) എന്നിവരാണ് മുംബൈയുടെ സ്കോറർമാർ. ഇതോടെ മുംബൈ സെമി സാധ്യത ഭദ്രമാക്കി. മുംബൈയുടെ വിജയം കേരളാ ബ്ലാസ്റ്റേഴ്സിനും ആശ്വാസം നൽകുന്നതാണ്. ചെന്നൈയിൻ ഈ മൽസരം വിജയിച്ചിരുന്നെങ്കിൽ ബ്ലാസ്റ്റേഴ്സ് ആറാം സ്ഥാനത്തേക്ക് പിന്തള്ളപ്പെടുകയും ചെന്നൈ മൂന്നാം സ്ഥാനത്തെത്തുകയും ചെയ്യുമായിരുന്നു.
