ട്രംപ്​ പ്രസിഡൻറാവു​േമ്പാൾ

അമേരിക്കയുടെ 45ാം പ്രസിഡൻറായിഡൊണൾഡ്​ ട്രംപ്​ വരുന്നതോ​ടെ ആഗോള തലത്തിൽ നിർണായക മാറ്റങ്ങൾക്ക്​ ലോകം സാക്ഷ്യം വഹിക്കുമെന്ന്​ ഉറപ്പാണ്​. അമേരിക്കയുടെ ആഭ്യന്തര, വാണിജ്യ, പ്രതിരോധ, വിദേശ നയങ്ങളിൽ​ കാതലായ മാറ്റമുണ്ടായേക്കുമെന്നാണ്​​ വിലയിരുത്തപ്പെടുന്നത്​.

സ്വതന്ത്ര വ്യാപാരം

​ട്രംപ്​ അധികാരത്തിലെത്തുന്നതോടെ ദശാബ്​ദങ്ങളായുള്ള അമേരിക്കയുടെ വാണിജ്യ നയത്തിൽ മാറ്റം വരും.  അമേരിക്കയും നോർത്തമേരിക്കൻ രാജ്യങ്ങളായ കാനഡ, മെക്​സിക്കോ തുടങ്ങിയ രാജ്യങ്ങളുമായുള്ള സ്വതന്ത്ര വ്യാപാര കരാർ​ റദ്ദാക്കപ്പെടും. അമേരിക്കൻ പൗരൻമാരുടെ തൊഴിലില്ലായ്​മയുടെ കാരണങ്ങളിലൊന്ന്​ ഇൗ കരാറുകളാണെന്നാണ്​ ട്രംപി​െൻറ വാദം. ചൈനയിൽ നിന്ന്​ അമേരിക്കയിലേക്കുള്ള ഇറക്കുമതിക്ക്​ 45 ശതമാനവും മെക്​സിക്കോയിൽ നിന്നുള്ളവക്ക്​ 35 ശതമാനവും നികുതി ചുമത്തണമെന്നാണ്​ ട്രംപി​െൻറ നിലപാട്​.

കാലാവസ്​ഥാ വ്യതിയാനം

ട്രംപി​െൻറ​ ജയം പരിസ്​ഥിതി വാദികൾക്ക്​ കനത്ത തിരിച്ചടിയാണ്​. പ്രസിഡൻറായാൽ 2015 ഡിസംബറിൽ അമേരിക്കയുൾപ്പെടെ 195 രാജ്യങ്ങൾ ഒപ്പുവെച്ച പാരിസ്​ കലാവസ്​ഥാ ഉടമ്പടി റദ്ദാക്കുമെന്ന്​ ട്രംപ്​ പ്രഖ്യാപിച്ചിരുന്നു. പാരിസ്​ ഉടമ്പടി അമേരിക്കൻ വ്യവസായ താൽപര്യത്തിനെതിരെന്നായി കാരണമായി പുതിയ പ്രസിഡൻറ് ചൂണ്ടിക്കാട്ടിയത്​.​ മുൻ പ്രസിഡൻറ്​ ബറാക്​ ഒബാമക്ക്​ നേർവിപരീതമായ ഇൗ നിലപാട്​ ദൂരവ്യാപകമായ പ്രത്യാഘാതങ്ങളാണ്​ ഉണ്ടാക്കുക. നടപടിക്രമങ്ങൾ ലളിതമാക്കി ഫോസിൽ ഇന്ധനങ്ങളുടെ ഖനനം വർദ്ധിപ്പിക്കുകയും കാനഡയിൽ നിന്നുള്ള കീസ്​റ്റോൺ എക്​സ്​ എൽ പൈപ്പ്​ ​ൈലൻ പദ്ധതി അനുവദിക്കുകയും ചെയ്യുമെന്നും ട്രംപ്​ പറഞ്ഞിരുന്നു.

അതിർത്തികൾ അടക്കും

തെരഞ്ഞെടുപ്പ്​ പ്രചാരണ വേളയിൽ അഭയാർഥികൾക്കെതിരെയും കുടിയേറ്റക്കാർക്കെതിരെയും ട്രംപ്​ രംഗത്തെത്തിയിരുന്നു. അമേരിക്കയിലേക്കുള്ള കുടിയേറ്റം തടയാൻ മെക്​സിക്കൻ അതിർത്തിയിൽ മതിൽ പണിയുമെന്നും 110 ലക്ഷത്തോളം വരുന്ന അനധികൃത മെക്​സിക്കൻ കുടിയേറ്റക്കാരെ നാടുകടത്തുമെന്നും ട്രംപ്​ പറഞ്ഞു.  മുസ്​ലിംകൾ അമേരിക്കയിൽ പ്രവേശിക്കുന്നത്​  പൂർണമായി തടയുമെന്ന മുസ്​ലിം വിരുദ്ധ പരാമർശവും ​ആഗോള തലത്തിൽ ട്രംപിനെ കുപ്രസിദ്ധനാക്കി.

നാ​റ്റോ

ട്രംപി​െൻറ ആഗമനം 60 വർഷത്തിൽപരം പാരമ്പര്യമുള്ള അമേരിക്കൻ വിദേശ നയത്തിലും മാറ്റമുണ്ടാക്കാൻ പോവുകയാണ്​. നാറ്റോക്ക്​ വേണ്ടി അമേരിക്ക കഷ്​ടപ്പെടേണ്ടതില്ലെന്നാണ്​ ട്രംപ്​ പറയുന്നത്​. പ്രത്യേകിച്ച്​ സാമ്പത്തിക ​​നേട്ടങ്ങളൊന്നുമില്ലാതെ ഏഷ്യൻ രാജ്യങ്ങളെയും യൂറോപ്പിൻറെയും സംരക്ഷണത്തിനായി അമേരിക്ക നിലകൊള്ളില്ല. രാജ്യങ്ങൾ സംഭാവന ചെയ്യുന്നില്ലെങ്കിൽ അവിടങ്ങളിൽ നിന്ന്​ അമേരിക്കൻ സൈന്യത്തെ പിൻവലിക്കുമെന്നും ട്രംപ്​ പറയുന്നു. അംഗരാജ്യങ്ങൾ നാറ്റോയുടെ പ്രതിരോധ ആവശ്യത്തിന്​ കുറഞ്ഞത്​  ജി.ഡി.പിയു​ടെ 2 ശതമാനം വിനിയോഗിക്കാത്തതിനെക്കുറിച്ച്​ ദീർഘകാലമായി അമേരിക്കക്ക്​ ആശങ്കയുണ്ട്​.

റഷ്യ
നിലവിലെ വഷളായ അമേരിക്ക- –റഷ്യ ബന്ധം ട്രംപി​െൻറ വരവേ​ാടെ മാറ്റം വരുമെന്നാണ്​ പ്രതീക്ഷിക്കുന്നത്​. റഷ്യൻ പ്രസിഡൻറ്​ വ്​ളാദ്​മിർ പുടിനുമായി ട്രംപ്​ നല്ല ബന്ധത്തിലാണ്​. റഷ്യയുമായി നല്ല ബന്ധമുണ്ടാക്കുമെന്നും ഇരുരാഷ്​ട്രങ്ങൾക്കുമിടയിൽ നിലവിലുള്ള പ്രശ്​നങ്ങൾ പരിഹരിക്കുമെന്നും ​ട്രംപ്​ പറഞ്ഞിരുന്നു. ഒബാമയുടെയും ഹിലരിയുടെയും നിലപാടിന്​ വിരുദ്ധമായി കരുത്തനായ നേതാവായി പുടിനെ വിശേഷിപ്പിച്ച ട്രംപ്​ ​െഎ.എസ്​ തീവ്രവാദികൾക്കെതിരെ ​റഷ്യയുമായി യോജിച്ച്​ പോരാടുമെന്നും പറഞ്ഞിരുന്നു.