മോസ്കോ: യുഎസ് ഉപരോധ നീക്കത്തിന്റെ പശ്ചാത്തലത്തില് നയതന്ത്ര പ്രതിനിധികളെ തിരിച്ചുവിളിക്കണമെന്ന് റഷ്യ ഉത്തരവിട്ടു. ഉത്തരവ് പ്രകാരം റഷ്യയിലെ 100കണക്കിനു നയതന്ത്ര ഉദ്യോഗസ്ഥരെ യുഎസ് തിരിച്ചുവിളിക്കേണ്ടിവരും. നയതന്ത്ര കാര്യാലയങ്ങളുള്പ്പെടുന്ന യുഎസ് ഉടമസ്ഥതയിലുള്ള രണ്ടു കെട്ടിടങ്ങളും അനുബന്ധ ഭൂമിയും റഷ്യ കണ്ടുകെട്ടുകയും ചെയ്യും. റഷ്യക്കും ഇറാനും ഉത്തരകൊറിയക്കുമെതിരായ ഉപരോധങ്ങള്ക്ക് അനുമതി നല്കുന്ന ബില്ലിന് യുഎസ് കോണ്ഗ്രസ് പ്രതിനിധിസഭ അനുമതി നല്കിയതിന് തൊട്ടുപിറകെയാണ് റഷ്യയുടെ പുതിയ ഉത്തരവ്. ശീതയുദ്ധകാലത്തേതിന് സമാനമായ സ്ഥിതിഗതികളിലേക്കാണ് ഇരുരാജ്യങ്ങളും നീങ്ങുന്നതെന്ന് രാഷ്ട്രീയ നിരീക്ഷകര് പ്രതികരിച്ചു.
