ബംഗ്‌ളുരു: വ്യാജവാര്‍ത്ത സംപ്രേഷണം ചെയ്തുവെന്നാരോപിച്ച് മാധ്യമപ്രവര്‍ത്തകന്‍ അര്‍ണബ് ഗോസ്വാമിക്കും ടൈംസ് നൗ ചാനലിനുമെതിരേ ബംഗഌരു വികസന മന്ത്രി കെ ജെ ജോര്‍ജ് കോടതിയില്‍ അപകീര്‍ത്തി കേസ് ഫയല്‍ ചെയ്തു. ഐഎഎസ് ഉദ്യോഗസ്ഥന്‍ ഡി കെ രവിയുടെ മരണവുമായി ബന്ധപ്പെട്ട് 2015 മാര്‍ച്ച് 23നാണ് ടൈംസ് നൗ ചാനല്‍ വിവാദ റിപോര്‍ട്ട് സംപ്രേഷണം ചെയ്തത്. അന്ന് ചാനലിന്റെ ചീഫ് എഡിറ്റര്‍ അര്‍ണബ് ഗോസ്വാമിയായിരുന്നു. കെ ജെ ജോര്‍ജിനെ പ്രതിയാക്കിയായിരുന്നു വാര്‍ത്ത. ഇതുമായി ബന്ധപ്പെട്ട വീഡിയോ സോഷ്യല്‍ മീഡിയയില്‍ വൈറലായിരുന്നു. ഡി കെ രവി ആത്മഹത്യ ചെയ്തതാണെന്നാണ് സിബിഐ സമര്‍പ്പിച്ച കുറ്റപത്രത്തില്‍ പറയുന്നത്.
